Gazetari Denis Dyrnjaja u shpreh që arrestimi i ish-ministrit Ilir Beqaj, është një lloj mesazhi për BE-në që “drejtësia në Shqipëri po vepron”.
Gazetari tha se ky arrestim është një lloj ‘show’, ndërsa paralajmëroi se radhën për pranga e ka Frida Krifca pas dyshimeve për abuzimin me fondet e BE-së për bujqësinë.
“Duhet të jetë një lloj presioni edhe më i madh për shkak se fondet e BE në raport me qeverinë shqiptare janë të rëndësishme edhe për shkak të proceseve që na lidhin me integrimin dhe do të duhet të kishte një reagim. Besoj se është një show e prangosjes në publik. Arrestimi i Beqajt është një mesazh për BE që drejtësia po vepron në raport me kërkesat e saj. Kam idenë që do jetë radha e Frida Krficës, nëse shkojmë në këtë linjë. Besoj se do jetë një problem i madh i raporteve të saj me drejtësinë. Besoj se do ketë veprime të shpejta edhe me Krifcen, jo se kam informacion, por nëse do t’i shkojmë logjikës që veprimet e SPAK lidhen me reagimet në Bruksel për abuzimet me fondet”, tha Dyrnjaja.
