Pensionistët do të përfitojnë shpërblim me vlerë 50.000 lekë te vjetra gjatë muajit shtator.
Përveç kesaj ndihme, Qeveria Rama pritet të rrisë pensionet sipas nivelit të inflacionit në vend, që do të llogarititet me rritjen e çmimeve të këtij viti.
Pra, ato do të indeksohen dhe nësë shohim inflacionin, ai rezulton në 7 muajt e parë të vitit në një nivel mesatar 5.2%. Por, do të jetë Qeveria Rama, ajo që do të caktojë masën e përgjithshme të rritjes së përfitimit.
Ky bonus do të merret nga paratë e prodhuesve të energjisë elektrike, të cilët rritën ndjeshëm të ardhurat dhe fitimet e tyre vitin e kaluar për shkak të shitjes së energjisë me çmim të lartë.
Dhe pikërisht, taksa që ata kanë derdhur në buxhet do të shkojë në xhepat e pensionistëve për herë të dytë brenda këtij viti. Shqipëria numëron rreth 685 mijë njerëz që përfitojnë pensione pleqërie ose pensione të tjera.
