Ilir Meta prej rreth 5 muajsh ndodhet i paraburgosur në qelinë nr.5 pasi po hetohet nga SPAK për korrupsion.
Në një intervistë me shkrim nga qelia për emisionin Opinion në TV Klan, Ilir Meta thotë se arrestimin e tij e priste të ndodhte dhe kishte lajmëruar edhe miqtë e tij.
》Ilir Meta: “Isha i përgatitur për këtë që do të ndodhte dhe i kisha paralajmëruar të gjithë miqtë e mi të vërtetë. Ndaj Konventën e 27 Prillit e organizova befasisht e po kështu edhe ndryshimet statutore e programore në një kohë rekord. Jam i bindur që qelia ime mban Nr.5 sepse më kujton çdo ditë 5 Prioritetet për 4 milionë shqiptarë plus, programin aq konciz e thelbësor të Partisë së Lirisë. Gjatë krizës së Kosovës për dy muaj në Kukës kam kaluar situatë shumë më të vështira, kur flija në zyrën e Prefektit duke vendosur dy kolltuqe tek përballë njëri–tjetrit. Këtu më duket lule“
