Kryeministri Edi Rama që në mëngjes e ka nisur ditën me një lajm të mirë për qytetarët e Tiranës dhe gjithë Shqipërisë. Kreu i qeverisë njofton se kanë përfunduar punimet në spitalin më të ri të kryeqytetit.
Me kushte njësoj si vendet e Bashkimit Europian, Rama njofton se nga sot hap dyer Spitali i ri i Sëmundjeve Infektive pranë QSUT. Gjithashtu Rama ka publikuar foto të godinës më të re dhe me kushte shumë të mira për të gjithë pacientët.
“MIRËMËNGJES me Spitalin e Ri të Sëmundjeve Infektive pranë QSUT, një tjetër pjesë e infrastrukturës së rilindur shëndetësore që sot i vihet në dispozicion publikut, ju uroj një ditë të mbarë”, shkruan Rama
