Rruga e Dukagjinit, një nga segmentet më të vështira infrastrukturore në bashkinë Shkodër po merr formë çdo ditë e më tepër.
Kryetari socialist i bashkisë Shkodër, Benet Beci ka inspektuar nga afër punimet në këtë zonë, duke u takuar me drejtues të firmës që po kryejnë punimet por edhe punonjësit të cilët i konsideron si heronj të këtij investimi që po kryhet.
Kryetari i bashkisë deklaroi se ky investimi do të kthejë këtë zonë në një pol të rëndësishëm për zhvillimin e turizmit duke i dhënë një dimension tjetër edhe zhvillimit ekonomik të zonës.
Inxhinieri që po ndjek punimet tregon se janë kryer thuajse 90% e punimeve në segmentet e vështira të lotit të parë të segmentit prej 17 km. Kjo rrugë konsiderohet si një nga ndërhyrjet më të rëndësishme në infrastrukturë jo vetëm për zonën e Dukagjinit, por për të gjithë bashkinë Shkodër.
