Pasi përfundoi Samiti i BE-së, Kryeministri Edi Rama dha një lajm të shkëlqyer për universitetet shqiptare do të përfshihen në aleancën e arsimit të lartë në Europë.
Rama deklaroi se në Tiranë do ndërtohet kampusi i Kolegjit të Evropës në Bruzh, teksa shtoi se të rinjtë shqiptarë mund të studiojnë nga Shqipëria në universitetet e Europës.
“Studentët dhe të rinjtë kanë një lajm të shkëlqyer. Jo vetëm universitete do të jenë në gjendje të angazhohen me Erazmus Plus por me aleancën e arsimit të lartë në Evropë. Në një moment kur të jenë përfunduar të gjitha procedurat e nevojshme, studentët tanë mund të studiojnë prej këtej në universitetet e Evropës në mënyrë digjitale. Kjo ishte diçka që deri më sot ishte e mundur vetëm po të ishe anëtar. Edhe ‘rrugët e gjelbra’ me Kroacinë apo me vend tjetër është gjë e re. Tjetër gjë fantastike që diskutuam dhe morëm mbështetjen plotë të udhëheqësve për të pasur në Tiranë kampusin e Kolegjit të Evropës në Bruzh. Është koha që këtë kampus ta ngremë në Tiranë”, tha Rama.
