Kryeministri Edi Rama ka reaguar për përmbytjet e shkaktuara nga moti i keq që ka përfshirë Shqipërinë.
Kreu i qeverisë ka deklaruar se nuk e kupton përse fajësohet kryeministri, ndërsa në vëmendje solli përmbytjet që janë shkaktuar në vendet e tjera të rajonit.
“Nuk e kuptoj pse nuk po më fajësojnë akoma mua, qeverinë dhe bashkinë e Durrësit, për reshjet mbytëse të këtyre ditëve në Itali, Greqi, Mal të Zi, Kroaci e me radhë… Çudi e madhe opozitat andej, po të paktën të fajësonin qeveritë e tyre, po hiç, asnjë llaf”, shprehet Rama.
Kjo deklaratë vjen ndërsa Shqipëria përballet me reshje intensive dhe përmbytje në disa zona, duke shkaktuar shqetësim për banorët dhe infrastrukturën lokale.
