Pas situatës së rënduar për shkak të reshjeve dhe përmbytjeve në disa zona të vendit, ministrja e Arsimit Evis Kushi, ka bërë me dije se është pezulluar mësimi për ditën e nesërme për 14 shkolla në Qarkun e Shkodrës. Nga këto shkolla vetëm njëra prej tyre është shkollë qendër, ndërsa 13 të tjerat janë shkolla vartëse.
Vendimi është marrë për shkak të situatës së rëndë me përmbytjet dhe reshjet e dendura të shiut të cilat pritet që gjatë orëve në vijim të shtohen.
Strukturat tona arsimore vijojnë të jenë në kontakt të vazhdueshëm me bashkitë dhe shtabet e emergjencave të ngritura nëpër qarqe. Ndërkohë, Ministria e Arsimit do të marrë të gjitha masat e nevojshme për zëvendësimin e orëve të humbura në javët në vijim.
