Një aksident i rëndë ka ndodhur në aksin Tepelenë – Përmet, ku një makinë e policisë private “Nazeri” po transportonte një sasi të madhe parash, rreth 500 milion lekë.
Aksidenti ndodhi kur furgoni i “Nazerit” u përplas me një fuoristradë, duke shkaktuar bllokimin e qarkullimit në të gjithë aksin. Pas ngjarjes, një furgon tjetër i kësaj firme mbërriti në vendin e aksidentit për të marrë 10 thasët me para të cilat u zhvendosën pa probleme.
Sipas informacionit, dy persona kanë pësuar lëndime nga aksidenti dhe janë dërguar në spital për ndihmë mjekësore. Autoritetet po punojnë për të zbardhur shkaqet e aksidentit.
