Ministrja për Europën dhe Punët e Jashtme, Olta Xhaçka ka shprehur gjatë këtyre ditëve shqetësimin nga përshkallëzimi i tensioneve në veri të Kosovës. Në një reagim në rrjetet sociale ajo tha se kriza është artificiale dhe se barrikadat nuk janë vendosur nga qytetarët, por bandat teksa bëri thirrje për dialog.
Ministrja Xhaçka i është përgjigjur sërish homologut të saj serb duke thënë se nuk bien dakord me të teksa shton se barrikadat nuk janë mjet proteste paqësore.
“Na vjen keq, nuk jemi dakord! Barrikadat nuk janë mjet proteste paqësore! Nëse do të ishte kështu, atëherë do të duhej të rishikoheshin shumë nocione themelore të qytetërimit tonë për bashkëjetesën paqësore mes njerëzve, komuniteteve, partive, kombeve. Me pasoja dramatike. Nuk është një ide e mirë, fare”, shkruan Xhaçka
