Kryeministri Edi Rama e ka nisur ditën këtë të shtunë, me disa foto nga Forumi i Paqes që është mbajtur mbrëmjen e djeshme në Paris. Me ftesë të presidentit Macron, Rama ka mbërritur në kryeqytetin e Francës me bashkëshorten Linda Rama. Në foton zyrtare me Macoron dhe bashkëshorten e tij, Rama shihet me dorën hedhur krahëve të presidentit francez, duke treguar dhe njëherë afrimitetin dhe miqësinë që ka me të.
“MIRËMËNGJES dhe me FotoALBUMIN e një dite krejt të posaçme në Paris për Forumin e Paqes, ju uroj një fundjavë të bukur“, shkruan Rama krahas fotove.
Po ashtu, mes fotove kryeministri shqiptar shihet i ftuar në panelin kryesor të diskutimit, por dhe në panele të tjera me liderë ballkanikë dhe europianë.
