Ditën e djeshme ish-ministri Lefter Koka që ndodhet në burg për inceneratorët bëri një deklaratë të fortë nga procesi në Apel ku kundërshtoi dënimin me 6.8 vite burg.
Lefter Koka është shprehur se nuk është ai “peshku i madh” dhe se nuk duhej të ishte dënuar për korrupsion.
“Jam i pafajshëm, ju po kërkoni të më dënoni mua si “peshkun e madh”, por nuk jam unë “peshku i madh”. Unë jam biznesmen dhe nuk kam pasur nevojë të më paguajë biletat e udhëtimit Mirel Mërtiri. Pse e ndatë dosjen apo që të më dënoni sa më shumë mua. Po të hapet telefoni i Monika Kryemadhit, aty do të gjendet edhe “peshku i madh” i inceneratorëve. Ky është fiks kallëzimi i bërë nga Monika Kryemadhi, doni të gjeni korrupsionin, hapni telefonin e Monikës. Nuk më dënoni dot për korrupsion” tha Koka.
