Pas mbledhjes së grupit parlamentar të Partisë Demokratike, Sali Berisha ka thirrur për nesër në orën 13:00 një mbledhje me kryetarët e degëve të partisë nga i gjithë vendi.
Në mbledhjen e grupit parlamentar të mbajtur ditën e sotme, u vendos që opozita të vendosë “Platformën e saj të rezistencës” përpara godinës së Kryeministrisë, si pjesë e një veprimi politik të ideuar nga Sali Berisha.
Burime nga PD bëjnë me dije se takimi i nesërm me kryetarët e degëve do të shërbejë për të përcaktuar kalendarin e veprimeve të mëtejshme dhe për t’u përgatitur për protestën kombëtare.
Mësohet se PD do të vendos foltore para derës së Kryeministrisë në Bulevard, e ngjasme me “çadrën” e famshme të Lulzim Bashës.
