Menjëherë pasi dosja e “21 Janarit” i kaloi për hetim SPAK-ut, kjo ka ngjallur frikë dhe sherr mes figurave të opozitës.
Lulzim Basha ka reaguar pas akuzave të Ilir Metës se Basha është përgjegjës për vrasjen e 4 protestuesve të “21 Janarit”. Basha shprehet se drejtësia ka shumë për të zbardhur pêr “21 janarin” dhe ky hetim nis që nga Ilir Meta që është njeriu kryesor i protestës.
“Mashtrimet ordinere dhe zig-zaget e përditshme nuk mund t’i fshehin faktet të cilat janë para syve të çdo shqiptari. I njëjti person që sot bën sikur mbron Sali Berishën, ka bërë akuza nga më monstruozet ndaj tij edhe në këtë rast. Ilir Meta është simbol i pandëshkueshmërisë dhe i pazareve në kurriz të shqiptarëve dhe demokratëve. Pazaret, deliret dhe ankthet e tij kanë dëmtuar rëndë opozitën, ndërsa distancimi nga ai dhe të ngjashmit e tij janë kusht i pashmangshëm për fitoren e saj“, shkruan nder të tjera Basha.
