Jorida Tabaku dhe Ilir Alimehmeti, pavarësisht se u lanë jashtë listës së mbyllur nga Sali Berisha, arritën një rezultat spektakolar.
Tabaku mori mbi 20 mijë vota dhe hyri në Kuvend, ndërsa Alimehmeti u penalizua nga rezultati i dobët i PD ku pavarësisht se mori rreth 18 mijë vota, mjeku mbeti jashtë.
Pak kush e din që nëse Tabaku dhe Alimehmeti nuk do të bënin fushatë të mirë, atëherë PD-ja do të merrte një rezultat akoma edhe më katastrofë ne zgjedhjet e 11 majit. Për shkak të mbështetjes të këtyre dy kandidatëve, brenda PD-së ka plasur xhelozia dhe inati.
Besnikja e Berishës, Adriana Kalaja, e cila ishte në listën e hapur të kandidatëve të Tiranës, ku mori 2826 vota, e quan Tabakun si Sudja e PD-së.
“Votat Sude Tabakut ja bleu Rama me oligarkët dhe këtë e dinë të gjithë. Qëllimi: Për të poshtëruar Berishën; Për të mbuluar blerjen e atyre të vetëve si Sara Mile; Për të zgjedhur opozitën që do. Do ja shohin hajrin shpejt Sudes E do Rama në krye të PD”, shkruan Adriana Kalaja.
