Policia e Beratit ka “blinduar” mbrëmjen e enjte rrugët e qytetit, duke ngritur postblloqe të shumta në hyrje-daljet dhe në çdo kryqëzim.
Sektori i qarkullimit rrugor ka hartuar një plan të detajuar masash, duke vendosur pika të shumta kontrolli në rrugët e qytetit.
Shefi i Seksionit të Qarkullimit Rrugor të qarkut Berat, Gramoz Lala bën me dije se kontrollet e ndërmarra sot kanë si qëllim parandalimin e ngjarjeve kriminale, kapjen e personave në kërkim si dhe për rritjen e sigurisë rrugore.
Në të gjitha automjetet që janë ndaluar në këto postblloqe janë bërë kontrolle të imtësishme për drogë e armë, ndërkohë që janë kontrolluar edhe personat që drejtonin automjetetet, për t’u verifikuar nëse janë persona në kërkim në Berat apo në qytete të tjera të vendit.
