Trajneri i Kombëtares shqiptare, Silvinjo ka deklaruar sot se është shumë i lumtur për këtë arritje të shkëlqyer të kuqezinjve.
“Para se të nis për ndeshjen, dua t’u bëj komplimente të gjithë tifozëve që kishim këtu në stadium. Kanë bërë një ambient të jashtëzakonshëm, na kanë ndihmuar shumë të gjithë neve, kjo është një fitore e të gjithë popullit shqiptar“, tha fillimisht Silvinjo.
Trajneri brazilian deklaroi se i ka mbajtur lojtaret të motivuar per të arritur këtë sukses historik që na afron me Kampionatin Europian.
“Pas 25 vitesh, 30 vitesh në futboll, e kuptoj që është çështje menaxhimi dhe kushdo që hyn bën mirë. Kush del duhet të dalë i lumtur. Ne me të gjithë po bëjmë një menaxhim që rrit nivelin e lojtarëve, topi hyn në këto momente se ne jemi të gjithë “një ekip”. U kam thënë që sot është një ditë për festë për të gjithë Shqipërinë. Janë një skuadër e fortë, kanë një histori të jashtëzakonshme dhe ne e merituam fitoren. Por pjesa e fundit, i thashë që është e vërtetë që nuk ka mbaruar, është një grup që në fillim që kam thënë që është i vështirë. Nuk është e lehtë, kemi tre finale dhe duhet të shkojmë para dhe çdo ndeshje është një finale deri tani”, tha Silvinjo pas ndeshjes.
