Sot në orën 17:00 pritet që të mbahet seancë parlamentare.
Burimet për “News 24” bëjnë me dije se në këtë seancë pritet tension dhe kaos, pasi opozita nuk do të lejojë të zhvillohet normalisht seanca për shkak të burgosjes të deputetit demokrat Ervin Salianjit dhe kreut të PD-së, Sali Berishës.
Kryetarja e parlamentit Elisa Spiropali do të lexojë vendimin për ndërprerjen e mandatit të Ervin Salianjit, pas dënimit të tij nga Gjykata e Apelit me 1 vit burg për “moskallëzim krimi”. Kjo pritet ta sjellë edhe tensionimin në seancën parlamentare. Më pas Kuvendi do të njoftojë KQZ dhe KQZ më pas në bazë të listës emërore, me gjasa do t’i japë mandatin e deputetit, Andrea Manos.
