Në studion e “Opinion”, Adriatik Lapaj argumentoi arsyen përse nuk iu bashkua koalicionit opozitar të udhëhequr nga Sali Berisha “Për Shqipërinë Madhështore”.
“Në fakt me këtë filozofi erdhi Rama në 2013-ën, duke bërë koalicion edhe me krimin, duke bërë aleancën e qelbësirave, që siç duket 12 vite më vonë e ka futur vendin në qorrsokak. Nëse votat ikin, i ikin një opozite që deri tani ka luftuar për një sistem të mbyllur, që për mua është njësoj si forca në pushtet. Të dyja palët u bënë bashkë për një sistem të mbyllur”, tha Lapaj.
“Ajo që ka ndodhur me sistemin aktual është se janë mbajtur jashtë vlerat dhe njerëzit e mirë”, shtoi Lapaj sa i takon listave të kandidatëve për deputet të forcave të tjera politike.
