Qeveria Rama ka marrë vendimin për të mbyllur “TikTok” në vendin tonë.
Lajmi u konfirmua nga ministria e Arsimit, Ogerta Manastirliu e cila tha se sipas konsultimit publik 90% e prindërve janë “pro” bllokimit te Tik Tok-ut.
“Siguria fizike dhe digjitale është prioritet. Për rritjen e kësaj sigurie kemi vendosur bllokimin e platformës TikTok, bazuar në një paketë instrumentash që po punohet nga AKCESK dhe AKSHI. Po ashtu, do të vendosim kamera inteligjente përmes projektit ‘Smart City’, duke siguruar një monitorim më efektiv brenda shkollave dhe perimetrit të tyre. Në dy vitet e ardhshme do të dyfishojmë numrin e oficerëve të sigurisë, duke arritur në 500, dhe do të ngremë një strukturë të dedikuar brenda drejtorive arsimore për të koordinuar detyrat e oficerëve të sigurisë dhe bashkëpunimin me njësitë lokale të mbrojtjes së fëmijëve”, tha Manastirliu.
