Presidenti i Turqisë Rexhep Tajip Erdogan ka bërë me dije se është marrë vendimi për të shpallur 7 ditë zi kombëtare për shkak të tragjedisë së ndodhur nga tërmeti që tronditi sot Turqinë.
“Për shkak të tërmeteve të ndodhura në vendin tonë, shpallim 7 ditë, ditë zie kombëtare. Flamuri ynë do të ngrihet në gjysmështizë deri në perëndim të diellit të dielën, 12 shkurt 2023, në të gjitha përfaqësitë e vendit tonë dhe të huaja”, tha Erdogan. Kujtojmë që Kryeministri Edi Rama ka dërguar një skuadër shqiptare “kerkim-shpetimi” dhe mjekë për të ndihmuar Turqinë.
“Një skuadër shqiptare prej 53 trupash të kërkim-shpëtimit dhe ndihmës shëndetësore, bashkë me mjetet e nevojshme u nisën drejt Turqisë mike, në një mision solidariteti vëllazëror përkrah të gjitha skuadrave të tjera aleate, për të bashkuar forcat në përballimin e plagëve të hapura të tërmetit tragjik“, shkroi Rama.
