Kryeministri Edi Rama ia ka bërë të qartë opozitës se deri në vitin 2029 Partia Socialiste do të qëndrojë në pushtet. Rama u shpreh i sigurt edhe për fitoren e zgjedhjeve lokale të viti 2023, ndërsa premtoi se do të vijojë mbështetjen ndaj biznesit të vogël.
“Ne do vazhdojmë t’iu mundim juve sepse nuk mund ta lëmë biznesin e vogël në dorën tuaj. Nuk iu lëmë asnjë arsye dhe asnjë shteg që deri në vitin 2029 të vini në vendin tonë. Ndërkohë që ne jemi këtu në këtë vend duke vazhduar të mbështesim biznesin e vogël, jo vetëm duke mos i vendosur taksa dhe duke mos i rritur TVSH-në, por duke i paguar faturën e energjisë elektrike”, tha Rama.
“Bazuar në këshillimin kombëtar ku morën pjesë mbi 500 mijë shqiptarë kemi vendosur të rrisim shumë fort penalitete për biznesin e madh. Ne ndryshe nga çfarë na pikturoni ju jemi në anën e biznesit të vogël dhe të njerëzve të zakonshëm”, u shpreh Rama.
