Kryeministri Edi Rama ka folur mbrëmjen e sotme për sulmin me kallashnikov ndaj Top Channel.
I ftuar në “Top Story”, Rama përballë Grida Dumës tha se policia i është afruar autorëve edhe pse ende nuk ka rezultat.
Edi Rama: “Motivet ende nuk i dimë, ka lidhje me një media, ne nuk i dimë motivet ekzakte, por Policia i është afruar autorëve por ende nuk ka rezultat konkret qoftë në aspektin e kapjes dhe të motiveve të tyre, nuk ka sesi një agresion i tillë të mbetet i pacaktuar qartë ndaj pushtetit të katërt. Shpresoj shumë që të keni të drejtë në përcaktimin që i bëtë aftësisë time nuhatëse, po mundohem që të shpjegohem përtej shpjegimit të thatë që mund të jap në këtë moment”
