Me një ceremoni të veçantë Kryeministri Edi Rama është nderuar në Itali me “Urdhrin e Minervës”nga Universiteti Gabriele d’Annunzio. Nderimi vjen për ndihmën që Shqipëria dha gjatë periudhës së pandemisë duke dërguar mjekë dhe infermierë në spitalet italiane.
“Jam i vetmi anëtar i qeverisë sime që nuk zotëroj një titull akademik të lartë. Kam ëndërruar të takoja personalisht Minervën, megjithatë duket sikur ka qenë vetë Minerva që më ka kërkuar e më solli në Kieti për të marrë këtë titull nderi”, tha Rama.
Përfaqësues të Universitetit të famshëm të Gabriele d’Annunzio kanë vlerësuar bujarinë e popullit shqiptar. Në momentin kur do t’i vendosej medalja në qafë, Rama është ulur në gjunjë për ta bërë më të lehtë dekorimin e tij për shkak të shtatlartësisë së madhe.
