Kryeministri Edi Rama gjatë inspektimit në zonën e përmbytura në veri të vendit është ndalur edhe në Lezhë. Kreu i qeverisë tha se ajo çfarë shihet në kamera është një gënjeshtër, pasi situata e përmbytjeve nuk është në atë gjendje aq të keqe sa raportohet nga televizionet.
“Kështu siç vendosen kamerat në mënyrë të qëllimshme, duket sikur këtu po bëhet qameti. Këtu është një situatë e vështirë në pika të caktuara për arsye tërësisht objektive. Numrat e të prekurve janë minimalë dhe hektarët janë shumë herë më pak se në rastin e përmbytjeve të mëdha. Është tmerr mënyra sesi i vendosin kamerat. Me kamera edhe një pellg uji të bërë vetë mund ta kthesh në përmbytje të gjithë Shqipërisë”-u shpreh Rama.
Gjithashtu gjatë fjalës së tij kryetari i bashkisë së Lezhës ka thënë se në momentet që flasim janë vetëm 1300 hektarë tokë nën ujë ndërsa autoritetet po i ofrojnë ndihmë cdo qytetari.
