Kryeministri Edi Rama ka reaguar sërish ndaj SPAK-ut dhe prokurorëve për të cilët thotë se marrin rrogat më marramendëse në Republikën e Shqipërisë.
Rama thotë se nëse SPAK dhe GJKKO dështojnë të jenë të pavarura, jo vetëm ka dështuar ai vetë personalisht që i ka hyrë detit në këmbë, por ka dështuar Shqipëria.
“Të akuzosh është kollaj, të provosh është vështirë, prandaj edhe prokurorët e gjykatësit specialë paguhen sa askush në këtë republikë dhe institucionet e tyre mbështeten si asnjë nga kjo qeveri. Që të jemi të qartë fare: Nëse SPAKU dhe GJKKO dështojnë të jenë të pavarur, duke garantuar njëkohësisht standardet demokratike, ky nuk do të ishte thjesht dështimi ynë, i Partisë Socialiste dhe i imi personalisht, që i kemi hyrë këtij deti në këmbë me gatishmërinë që të marrim edhe të gjitha kostot morale e politike, bashkë me baltën e kënetës politiko-mediatike. Ky do të ishte dështimi i madh i Shqipërisë, i cili do t’u jepte “të drejtë” të gjithë atyre që qysh prej 1912 e deri kur ne nisëm reformën në drejtësi, që nuk i hynë asnjëherë këtij deti në këmbë dhe nuk i dhanë kurrë pavarësi drejtësisë”, shkruan ndër të tjera Rama./ Rilindje.info
