Kryeministri Edi Rama u ka bërë thirrje kompanive të ndërtimit në vend që të rishikojnë pagat e punëtorëve të tyre pasi do të privohen nga marrja e lejeve për ndërtim.
Rama mori dhe një shembull konkret kur tha se punëtorët e ndertimit marrin rroge 300 mijë lekë të vjetra.
“Ne mund t’i themi kompanive që nëse ti punon në ndërtim dhe nëse ti ngjit punëtorë në katin e 12 në mes të dimrit ose në mes të vapës dhe vjen dhe më thua që, këta ti i paguan 300 mijë lekë, përveçse mua më vjen shumë turp për ty, ti nuk merr dot asnjë lloj fondi nga taksat e shqiptarëve, sepse ti je një shfrytëzues, nuk je një sipërmarrës. Ndërsa për sa i përket kompanive në këtë sektor ne do ta lidhim këtë me fondet e projektet”, tha Rama.
