Rritja e pensioneve është “kryefjala” dhe kerkesa që i bëhet çdo ditë Edi Ramës nga të gjithë të moshuarit të cilët me të drejtë kërkojnë më shumë vlerësim pasi kanë punuar gjithë jetën.
Rama vazhdimisht është zotuar se nuk do të largohet kurrë nga posti i kryeministrit pa rritur pensionet në mënyrë të ndjeshme.
Kreu i qeverisë tha se kjo është ambicia e tij që të moshuarit të marrin pension dinjitoz, por asgjë nuk rregullohet brenda natës me “shkopin magjik”.
“Sa më shumë të kontribuojmë në sigurimet shoqërore aq më të larta do t’i kemi pensionet. Rritja e pensioni është objektivi pas pagave. Ambicia ime është të mos iki nga ky post (si kryeministër) pa i rritur pensionet në mënyrë të ndjeshme. Nuk është çështje dëshire, i ndjek komentet dhe analizat dhe duket se kemi thes të fshehur nga ku nxjerrim paga dhe pensione, e njerëzit e komentojnë si një gjë normale dhe fillojnë sharjet. Nuk ka kryeministër edhe më i keqi, që mos të dojë që të mos i rrisë pagat. Nëse i rritim direkt bie i gjithë shteti siç ra kur i ngritën piramidat financiare”, deklaroi Rama disa kohë më parë.
