Këtë të mërkurë, vendi ynë do të ndikohet nga kushte të paqëndrueshme atmosferike, si rezultat i depërtimit të masave ajrore relativisht të lagështa perëndimore me origjinë nga Anticikloni i Azoreve.
Moti gjatë mëngjesit do të jetë i kthjellët, ndërsa pas pasdites gradualisht do të kemi zhvillim të vranësirave mesatare deri të dendura.
Vranësirat në orët e mesditës dhe pasdites do të pasohen me reshje shiu me intensitet të ulët në pjesën më të madhe të territorit, përjashtuar vijën bregdetare.
Në intervale të shkurtra kohore do të kemi rrebeshe të shpejta dhe shtrëngata me shkarkesa elektrike dhe breshër, këto të fundit, përqendruar kryesisht në relievet malore në veri si dhe pjesën lindore të vendit.
