Rikthehen reshjet e dëborës në zonën turistike të Dardhës ne Korçe. Prej mesnatës zona është përfshirë nga reshjet mesatare, bora sipas raportimeve nga terreni i ka kaluar 15 cm dhe në disa zona të caktuara edhe 20 cm.
Aktualisht në rrugë janë duke punuar mjetet borëpastruese për të larguar dëborën dhe kriposur aksin rrugor Boboshticë-Dardhë në mënyrë që të jetë i hapur për qarkullim.
Në akset e tjera nacionale nuk janë shënuar reshje dëbore deri më tani dhe janë të qarkullueshëm pa probleme.
Qafë Thanë-Pogradec qarkullimi normal, Qukës-Qafë Plloçë, qarkullimi normal
Korçë-Kapshticë, Korçë-Dardhë, Korçë-Ersekë qarkullimi pa probleme.
