Arta Dade foli për kryetarin e bashkisë së Tiranës, Erion Veliajn.
Dade shprehet se Veliaj është një politikan që përfaqëson ato parime që ka Partia Socialiste dhe se shpeshherë mban mbi kurriz çështje që nuk i përkasin.
“Erion Veliaj është një djalë punëtor, shpeshherë ka keqkuptime sepse në ndonjë rast mban mbi shpinë edhe çështje të qeverisë qendrore. Për mua Erion Veliaj është një njeri që përfaqëson ato parime dhe atë program që ka Partia Socialiste. E njoh prej shumë kohësh pasi është shkolluar në të njëjtën kohë me fëmijët e mi dhe ka qenë një nxënës i shkëlqyer, pra është një djalë që në jetë është ndërtuar tek aftësitë e tij dhe ka kapacitetet e duhura për të qeverisur. Dikur kam qenë kundërshtare e tij, sepse mbështesja Erisa Spiropalin por sot dua ta përgëzoj për imazhin që e ka ngritur vetë si kryetar i Bashkisë së Tiranës dhe për nënkryetarët që ka edhe e ndihmojnë”, u shpreh Dade.
