Kryeministri Edi Rama i ka dhënë lamtumirën ambasadores së SHBA, Yuri Kim. Fjalet dhe gjuha miqësore me të cilën Rama ka zgjedhur të shkruajë mesazhin për mbylljen e misionit të diplomates amerikane është shumë larg asaj diplomatike.
“E tmerrshme në dukje, po jo edhe aq në fakt, sepse për ta vlerësuar si duhet rolin e ambasadorëve amerikanë, e posaçërisht të ambasadores që me protagonizmin e saj të veçantë na doli edhe në ëndërr…”, shkruan nder te tjera Edi Rama.
“Ajo ishte më amerikania mes shqiptarëve dhe më shqiptarja mes amerikanëve”, thotë Rama ndërsa i dorëzon Yuri Kim në shenjë mirënjohjeje Yllin e Madh të Mirënjohjes Publike “për sa shumë e deshi Shqipërinë dhe për sa shumë u përpoq për të ndihmuar”.
Në fund të mesazhit të lamtumirës pervec elozheve, Rama thekson se keto fjale nuk jane aspak diplomatike, madje sipas tij janë rreshta skandalozë: “Prandaj njësoj si këta rreshta mbase diplomatikisht skandalozë – po ja që e vërteta s’është gjithnjë dot diplomatike kur duhet thënë patjetër – mirënjohja e falenderimi për ambasadoren Yuri Kim, janë të ndjerë sinqerisht e të menduar krejt lirisht…”
