Qeveria Rama ka konfirmuar një tjetër lajm të mirë për të moshuarit pasi duke filluar nga 1 tetori pensionet do të rriten duke u indeksuar në vlerën 8.6%.
Pensionistët në qytet do të marrin mesatarisht 15 mijë lekë të vjetra më shumë, ndërsa ata në fshat më pak se 9000 lekë te vjetra.
Nga 173 mijë e 500 lekë te vjetra aktualisht, ajo që merr çdo muaj një i moshuar që jeton në qytet do të bëhet 188 mijë e 420 lekë te vjetra. Ndërkohë pagesa mujore që merr një i moshuar në fshat, pas indeksimit me 8.6% do të bëhet 112 mijë e 390 lekë nga 102 mijë e 390 lekë që është aktualisht.
Nga 1 tetori do të marrin 7120 lekë te vjetra më shumë përfituesit e pensionit të invaliditetet që jetojnë në fshat, ndërsa ata që trajtohen me pension familjar do të përfitojnë rreth 1900 lekë më tepër. Nga rritja me 8.6% do të përfitojnë rreth 687 mijë qytetarë, 585 mijë e 809 në zonat urbane dhe 101 mijë e 114 në ato rurale.
