Ish-ministri i Brendshëm Saimir Tahiri është paraqitur këtë të premte në SPAK.
Tahiri qëndroi në SPAK mbi një orë dhe u mor në pyetje në lidhje me dosjen për “21 Janarin”. Pas daljes nga SPAK, Tahiri është shprehur se ka dhënë sqarime si protestues dhe si një nga kallëzuesit për 21 Janarin.
“U pyeta për rolin që kam pasur në datën 21 janar dhe kallëzimin që kam bërë në vitin 2015. I qëndroj pikë për pikë asaj që kam thënë. Roli im ka qenë protestues. Të gjithë kemi qenë protestues. Është një ngjarje që duhet zbardhur. Shpresoj shumë të zbardhet”, tha Tahiri për gazetarët pasi doli nga SPAK.
