Aktivistja shqiptaro-amerikane, Evi Kokalari i është kthyer sërish keq Sali Berishës pasi ky i fundit i “dhuroi” 4 mandate Partisë së Lirisë.
Në një postim në “Facebook”, Kokalari shkruan se si mundet Berisha ta bëjë një gjë të tillë, pasi sipas saj Ilir Meta është në burg duke u gjykuar për korrupsion.
“Sali Berisha pa pike turpi i jep 4 mandate LSI-se, dhe ju rrini me goje mbyllur se nuk keni dinjitet as te mbroni te drejtat tuaja. Si mund ta fusesh Ilir Meten ne lista e mbyllura? Ilir Meta eshte ne paraburgim duke u gjykuar per korrupsion. Fundja, ti kishe dhene nje mandat dhe Erion Velias dhe ja merrje Edi Rames kalane nga brenda. Turp per te gjithe demokratet qe mbyllin gojen. Ose ikni masivisht nga kjo parti, ose publikisht duhet te gjykohen si njerez pa dinjitet qe mbani kupolen e korrupsionit gjalle”, shkruan Kokalari.
