Ish-deputeti i PD-së Edmond Spaho, i cili ndër vite është konsideruar si një nga njerëzit më pranë Sali Berishës, ka reaguar për përjashtimin e Ervin Salianjit, i cili mund të kandidojë për drejtimin e forcës politike pasi nuk është më anëtar i saj.
Spaho shkruan se ky vendim është marrë për të goditur ata që mendojnë kundërshtojnë lidershipin e PD-së.
Ish-deputeti shkruan se ky vendim i shërben lidershipit të PD-së, i cili sipas tij po mban të mbyllur këtë forcë politike.
“Nese je kundershtar i Kryetarit, jo vetem qe nuk kandidon, por automatikisht perjashtohesh nga Partia. Me qarte se kaq nuk mund te thuhet! Sipas ketij formulimi edhe une konsiderohem i perjashtuar nga PD sepse publikisht kam kundershtuar qendrimet e PD dhe Kryetarit. Te njejtin fat do kete kushdo qe ka kritikuar publikisht qendrimet e PD dhe Kryetarit. Kjo ne thelb perben “hapjen” e PD ne prag te zgjedhjeve. Ne te vertete, bunkeri u korracua me veshje çeliku. U mbyllem si ne kohen e merhumit. Me kete udhezim besoj se qartesohen naivet qe pyesin se perse flet tani, se te eshte prekur interesi, e te tjera e te tjera. Po pate mendim ndryshe te nxjerrin me shkelma nga dritarja. Ju qe pyesni, duhet te kuptoni qe edhe ky udhezim interesave ju sherben, por jo tuajave apo te PD, por interesave te atyre qe jane ne krye. Tani nuk me ngelet vecse te bej thirrje qe gjithe, qytetare e katundare, te bardhe e te zinj, blu e te kuq, te kenaqur e te pakenaqur, anetare te PD dhe joanetare, te mire e te liq, te mblidhemi ne 22 Mars dhe te rrezojme bunkerin e Edi Rames!”, shkruan nder te tjera Spaho.
