Sekretari i përgjithshëm i PS, Damian Gjiknuri bëri me dije se sfida e Partisë Socialiste në zgjedhjet lokale të 14 majit janë bashkitë që tradicionalisht nuk i ka pasur.
Gjiknuri u shpreh se synimi është të fitojë bashki si Kamzë, Kavaja apo bashkitë në veri që tradicionalisht janë fituar nga PD.
“Kërkojmë të mbajmë bashkitë kryesore, sidomos në qarqe ku kemi dominancë elektorale. Kemi synim të fitojmë bashki që tradicionalisht nuk i kemi pasur, siç është rasti i Kamzës, Kavajës apo bashki në Veri që tradicionalisht kanë qenë të konsoliduara nga opozita”, tha Gjknuri.
