Kujtim Gjuzi ka treguar detajet si ndodhi sherri me analistin Ilir Demliaj.
Në një intervistë për “Vip Magazine”, Gjuzi tregon se në fakt “shënjestra” e sulmit nuk ishte ai por Sali Berisha, i cili po mbante një konferencë në hotelin ku ndodhi incidenti.
Gjuzi thotë se të afërmit e tij janë shqetësuar, madje niprit kanë kërkuar që të hakmerren ndaj Demaliajt, por që janë ndaluar prej tij.
“Papritur kaloi në holl dhe lëshoi një ofendim. Unë e kalova ofendimin me idenë ke noi gjë, hajde fol ne tavolin mos fol në këmbë. Në atë moment ai u largua dhe më pas u kthye për së dyti në një mënyrë agresive, me fyerje e sharje. Unë i dhashë një të shtyrë aq sa kisha mundësi ta shtyja që të mos kishte konflikt. Unë u distancova për ti ikur incidentit, ndërkohë që ai tentoi të më japë një shqelm, por lëvizja ime i shpëtoi asaj goditje dhe ndërhynë forcat e sigurisë. Unë mendoj se nuk e kishte me mua, donte të zbehte konferencën e Sali Berishës, kështu e kam informacionin. Dhe vllazëria dhe nipat më thanë do merremi me të, por u thashë jo, se është një përplasje fizike që nuk shkoi në kanosje. I bëj thirrje nipave të mi të mos bëjnë asnjë lëvizje pa u konsultuar me mua”, tha ndër të tjera Gjuzi.
