Parkut të Liqenit të Farkës i shtohen edhe 510 pemë të reja në nisje të solsticit dimëror, e cila njihet edhe si periudha më e mirë për të mbjellë pemë.
Kryetari i Bashkisë së Tiranës, Erion Veliaj tha se “Liqeni i Farkës do të ketë pedonalen dhe shëtitoren më të madhe në Tiranë”.
“Jam i lumtur sepse po i afrohemi shumë objektivit tonë për mbjelljen e 1 milion pemëve në Tiranë.Duhet të mbjellim pemë sa të mundemi. I kemi qëndruar besnik këtij objektivi. Fakti se gjysmën e këtij objektivi e realizojmë brenda këtij viti, që pastaj të kemi kohë deri në 2030 për 1 milionshin e radhës, për Pyllin Orbital të Tiranës, mendoj se kemi bërë gjënë e duhur”, tha Veliaj.
