Shkarkohet nga detyra Drejtori i Përgjithshëm i Shërbimit të Provës, Ermal Pacaj.
Lirimi i tij nga detyra është propozuar nga ministri i Drejtësisë dhe është miratuar nga Këshilli i Ministrave pas një mbledhje ditën e sotme.
“Në mbështetje të nenit 100 të Kushtetutës dhe të pikës 2, të nenit 10, të ligjit nr.78/2020, “Për organizimin dhe funksionimin e Shërbimit të Provës”, të ndryshuar, me propozimin e ministrit të Drejtësisë, Këshilli i Ministrave vendosi: Z. Ermal Pacaj, drejtor i Përgjithshëm i Shërbimit të Provës, lirohet nga kjo detyrë. Ky vendim hyn në fuqi menjëherë dhe botohet në “Fletoren zyrtare””, thuhet në njoftim.
Burimet mediatike bëjnë me dije se Ermal Pacaj pas këtij shkarkimi do të surprizohet pasi pritet të jetë ne listën e kandidatëve të PS për deputet.
