Në rrugën e shumë përfolur, Qukës-Qafë Plloçë vijon të punohet, madje gjatë ditëve të fundit, punimet po ecin me intesitet të lartë.
Në kete kantier po punohet te të treja lotet e kësaj rruge, në mënyrë që ajo të përfundojë sa më shpejt. Aktualisht firmat e ndërtimit janë duke sistemuar rrugët sekondare, ndërsa prej kohësh vijojnë edhe shtresat asfaltike apo edhe ndërtimi i mureve mbajtëse.
Me përfundimin e segmentit Qukës-Qafë Plloçë do përmirësoheshin ndjeshëm parametrat e rrugëtimit, ndërsa gjithashtu do të bëhej edhe i mundur aksesimi i trafikut, që kalon nga aksi rrugor Tiranë-Elbasan në pjesën e Jug-lindjes, si dhe do të shkurtonte distancën me pikën e kalimit kufitar të Kapshticës, qytetin e Korçës dhe më tej.
