Avokati Spartak Ngjela ka folur për Samitin e BE i cili u mbajt në Tiranë. Ngjela është shprehur se kjo ngjarje i ngre vlerat Shqipërisë dhe përshpejton procedurat për të hyrë në Bashkimin Europian.
Gjithashtu Ngjela tha se Amerika është një nga mbështetjet më të mëdha të Shqipërisë dhe Kosovës.
“Këto janë gjeste dhe shenja që flasin për historinë e ardhme dhe të shpejtë. Ky samit thotë që Shqipëria po hyn me personalitet në BE. Marrëveshjet thonë që po ecet shumë përpara. Këto janë gjeste që tregojnë personalitetin e një vendi prandaj u zgjodh Tirana për ti dhënë një potencë si vend që është shumë afër anëtarësimit të BE. Ishin dy Shqipëri, njëra që ka hapur negociatat me BE ndërsa tjetra që ka pak kohë që ka shpallur pavarësinë. Të dy vendet Shqiptare morën vulën që njëri do hyjë në BE dhe një tjetër mori vlerë të re. Është dhënë mbështetja e politikës Amerikane e cila po e mbështet shumë Shqipërinë”, tha Ngjela.
