Grupi i punës për zgjerimin e BE-së dhe për shtetet e përfshira në procesin e negociatave do të mblidhet sot pasdite në Bruksel për të diskutuar draft pozicionin e përbashkët lidhur me grup kapitullin e dytë për tregun e brendshëm.
Shkëmbim pikëpamjesh do të ketë edhe për kapitullin e tretë atë për konkurrueshmërinë si dhe rritjen gjithëpërfshirëse.
Po ashtu në këtë takim do të diskutohet edhe për raportin e shqyrtimit për grup kapitullin e pestë të negociatave atë për burimet, bujqësinë dhe kohezionin.
Pas diskutimit në nivel ambasadorësh të shteteve anëtarë të BE-se pritet që presidenca polake të propozojë një datë për mbajtjen e konferencës së radhës ndërqeveritare me Shqipërinë.
Ndërkohë më 17 Dhjetor 2024, Shqipëria mbajti konferencën e tretë ndërqeveritare me BE-në në Bruksel ku u çelën zyrtarisht dy kapituj me fokus tek Marrëdhëniet me jashtë, politikën e sigurisë dhe atë të mbrojtjes.
Kryeministri Edi Rama është zotuqr se brenda 2030 do të anëtarësojë Shqipërinë në Bashkimin Europian.
