Deri në këto momente 3 kandidatë do të sfidojnë Sali Berishën për pozicionin e kryetarit të Partisë Demokratike.
Së fundmi ish-deputeti Ervin Salianji konfirmoi pjesëmarrjen e tij në garë për te marrë drejtimin e PD-së në zgjedhjet e brendshme të 23 majit.
”Po do të jem në garë për kryetar të Partisë Demokratike në 23 maj. Pavarësisht se kur ka zgjedhje e dini, publikohen 6 muaj para listat zgjedhore dhe jepet mundësi e barabartë, sot në PD nuk ka procedurë të përcaktuar qartë, por ka vetëm datë zgjedhjesh. Ajo që e përcakton dhe ndaj se kë mbështet shumica, përcaktohet nëpërmjet votës, pavarësisht se politika në përgjithësi duhet të mbahet si domain, apo territor ku fjala e mbajtur përcakton politikanët. Berisha në 2022 kur u rikthyer, ka thënë do ta mund Ramën, nuk mi vjedh zgjedhjet, do të fitoj zgjedhjet lokale e me radhë. Të gjitha nuk kanë ndodhur”, tha Salianji.
Deri tani, Alesia Balliu dhe Evi Kokalari shpallën kandidaturën për kryetare të Partisë Demokratike.
