Shtyhet sërish data për hapjen e qendrës së emigrantëve në Shëngjin e Gjadër të cilat ishin planifikuar që të hapeshin më 1 Gusht, pas marrëveshjes të nënshkruar mes kryeministrat Edi Rama dhe Giorgia Meloni.
”Për shkak të valës së të nxehtit gjatë verës është vendosur që të ndërpriten punimet për ndërtimin në Gjadër gjatë orëve gjatë ditës, për të ruajtur kujdesin e punëtorëve. Kjo gjë mund të ketë zgjatur kohën, por është duke u punuar që të hapen qendrat sa më shpejtë të jetë e mundur”, thuhet në përgjigjen e Ambasadës Italiane.
Po ashtu na është njoftuar se Ambasda Italiane do të organizojë nesër një vizitë në Shëngjin dhe Gjadër, për të parë se në ç’pikë kanë arritur punimet. Qeveria e Italisë ka konfirmuar se këto qendra emigrantësh nuk do të hapen të paktën deri 10 ditët e para të Gushtit.
