Konsulenti i fushatës së presidentit të SHBA, Donald Trump, Chris LaCivita është shfaqur këtë muaj në një konferencë për shtyp në Shqipëri përkrah Sali Berishës.
Kaq ka mjaftuar që militantët demokratë të shpresojnë për heqjen e “Non Gratës” ndaj Sali Berishës.
Megjithatë, Chris LaCivita ka mohuar çdo përfshirje në lobim pranë administratës Trump në emër të Berishës apo PD-së.
“Unë nuk bëj lobim. Unë bëj fushata, dhe këtë po bëj – është shumë e thjeshtë” është shprehur LaCivita, shkruan “The New York Times”.
Deklarata e Chris LaCivita vjen mes spekulimeve për përpjekje të Berishës për të krijuar lidhje me figurat politike amerikane, veçanërisht pas vendimit të SHBA-së për ta shpallur atë “non grata”.
