Shqipëria luan sot në mbrëmje ndaj Andorrës në ndeshjen e dytë të kualifikuesve të Botërorit 2026.
Në stërvitjen e fundit, të gjithë lojtarët ishin të gatshëm në pjesën e parë të seancës, përfshi këtu edhe Kumbullën me Ismajlin, ndërsa e dyshimtë është prezenca e tyre në fushë sot.
FORMACIONI – Silvinjo është treguar “hermetik” në lidhje me formacionin të cilin pritet ta ndajë vetëm ditën e sotme me lojtarët. Megjithatë, gazeta po jep një projeksion sesi mund të jetë formacioni i Silvinjos për ndeshjen me Andorrën. Strakosha ka kaluar problemet e ndeshjes së fundit dhe do të jetë nga minuta e parë.
Alternativat në mbrojtje nuk janë të shumta, dhe trajneri pritet t’iu besojë sërish dyshes Gjimshiti-Ajeti, ndërsa në krahë Balliu dhe Aliji. Në mesfushë, Asllani mbetet i konfirmuar, ndërsa Ramadani është në balotazh me Medon Berishën. Laçi pritet të ulet në stol, ndërsa Bajrami mund të spostohet në qendër. Përpara ka një balotazh mes Brojës dhe Jasir Asanit, ndërsa krahu i majtë mund të luhet mes Muçit dhe Hoxhës. Kjo ndeshje mund të shohë titullar Rei Manajn, i cili nuk luajti asnjë minutë kundër Anglisë.
