Alarmante e përshkroi situatën e sotme nga reshjet në qytetin e Vlorës, kryebashkiaku Ermal Dredha.
Ai tha se janë evakuuar mbi 30 familje, ndërsa kërkesa për ndërhyrje të grupeve të emergjencës ka në disa lagje të Vlorës. Sipas tij, reshjet e dendura që zgjatën mbi dy orë e gjysmë pa ndalim shkaktuan daljen nga shtrati të kanalit të ujërave të larta.
“Situata vijon të jetë jo ajo që duam. Kjo për shkak të prurjeve të reshjeve të dendura që zgjatën 2 orë e gjysmë pa ndalim, çka shkaktoi efekt negativ te kanali i ujërave të larta i cili ka dalë jashtë shtratit dhe ka vërshuan jashtë qytetit. Jemi angazhuar me të gjithë njerëzit në terren për të menaxhuar, por situata ka qenë alarmante, megjithatë do mundohemi sa të mundemi. Te Bishti i Kalldrëmit është bllokuar një nga nyjet, po presim skrapin për të hapur kalimin e ujit në këtë zonë”, tha Dredha.
