Kreshnik Spahiu deklaroi se lufta për rrëzimin e regjimit komunist u shndërrua në një iluzion, pasi në krye të lëvizjes anti-komuniste u vendosën individë me lidhje të forta me komunizmin.
Kreshnik Spahiu kritikoi ashpër Berishën, duke thënë se ai gjithashtu ishte pjesë e strukturave të regjimit të vjetër.
“Pretenduam se rrëzuam një regjim politik. Në krye të një lëvizje antikomuniste në krye të partisë anti komuniste (PD-ja), u vendos një komunist (Berisha). E gjithë lufta ishte një iluzion. Të gjithë e kanë kuptuar sepse thjesht u ndryshua nga një parti që polli 3-4 parti të tjera për të luajtur rolin e teatrit politik. Nuk ka si rrëzohet komunizmi kur 3-4 aktorët e politikës, janë komunist, kanë teserë. Berisha, Rama dhe Meta kanë qenë të lidhur me komunizmin. Kjo që ka ndodhur në Shqipëri nuk ka ndodhur në asnjë vend të Evropës“, tha Spahiu në “Report TV”.
