Pas GJKKO dhe SPAK ka reaguar në lidhje me akuzat e Erion Veliajt se prokurori Ols Dado e ka quajtur “ndyrësirë” gjatë seancës gjyqësore.
SPAK ka zbardhur dosjen nga seanca duke theksuar se në faqen 292 ku janë zbardhur deklaratat nuk ekziston asnjë lloj fjale denigruese.
“Në faqen 292, e numërtuar nga Gjykata e Posaçme për Korrupsionin dhe Krimin e Organizuar (GJKKO) dhe audio e kësaj seance nuk përfshijnë fjalët e përmendura nga personi nën hetim, Erion Veliaj të publikuara sot në media. Kjo më sipër është faqja 292 e procesverbalit të skanuar, e firmosur nga sekretarja e GJKKO-së”, njofton SPAK, e cila zbulon debatin mes prokurorit Ols Dado dhe Erion Veliajt ka qenë i tillë:
》Ols Dado: S’ke turp që thua banesën e prokurorit, ça është kjo, kërcënim është ky që tregon banesën e prokurorit?
》Erion Veliaj: Nuk po bëj asnjë kërcënim, unë besoj që është konflikt interesi, prokurori mendon që kjo është sjellje normale, unë mendoj që s’është normale.
